2 ka bata, patay matapos nalumos sa quarry site sa Anilao!
Anilao, Iloilo–Patay ang duha ka bata nga nalumos sa quarry site sa Barangay Cag-an.
Suno kay PO1 Marvin Pogaja, imbestigador sang Anilao Police Station, ginkilala ang duha ka bata kanday Khyan Belardo, 10 ka tuig, kag Aljie Gemberva, 9 ka tuig sang Sitio Caban-Caban, Barangay Cag-an. Nasapwan ang duha sa quarry site sang Black Mountain Mineral Resources and Development Corp.
Ginpahayag ni PO1 Pogaja nga ginabanta nagadalum sang 14 ka tapak ang tubig sa quarry site bangud nag-ulan.
Ulihi nakita ang duha nga nagahampang malapit sa site. Gindala pa ang mga bata sa Barotac Nuevo District Hospital apang gindeklarar nga dead-on-arrival. (AGB)