ICUPAO, wala sang gina-uyatan nga masterlist sang mga benepisaryo sang homelots sa relocation sites halin 1995 tubtob 2010!

Iloilo City–Wala sang gina-uyatan nga masterlist sang mga beneficiaries sang homelots sa relocation sites ang Iloilo City Urban Poor Affairs Office ukon ICUPAO.

Gin-ako ini ni ICUPAO Chairman Jeck Conlu kasunod sang natukiban nga mga problema sa hatagay sang homelots.  Wala man sang masterlist ang ICUPAO sang mga aplikante halin 1995 tubtub 2010.

Suno kag Conlu, nag-issue siya sang memorandum order nga nagamandu sa mga site coordinators nga magsumiter sang masterlist sang mga homelot benificiaries kag applicants. Ginapangita man ni Conlu ang mga daan nga dokumento angut sa hatagay sang homelots sa mga relocation sites.

‘Indi qualified’

Pila ka benepisaryo sa relocation sites naman ang natukiban sa initial investigation ni Conlu nga indi kwalipikado suno kay City Administrator Atty. Hernando Galvez. May posibilidad suno kay Galvez nga mabawian sang homelot ang mga indi qualified kag ma-disqualify na nga mag-apply sa relocation site. (AGB)