Eagle-Crest Gaming and Holding Corporation, ginaproseso na ang business permit agud maka-operate sang STL sa probinsya

Iloilo City – Ginaproseso na sang Eagle-Crest Gaming and Holding Corporation ang business permit sa Sta. Barbara Local Government Unit agud maka-operate na sang Small Town Lottery sa probinsya.

Suno kay Sam Aguilar nga Chief Operating Officer sang Eagle-Crest, magabola sila sa Sta. Barbara.  Gin-athag naman ni Aguilar nga indi magnubo sa duha pero indi maglapaw sa tatlo ang draw nila kada adlaw.

Sa subong suno kay Aguilar, wala pa sila sang mga tinawo sa probinsya agud magpangolekta bangud wala pa sila nakasugod operate. Ginpasiguro ni Aguilar nga wala sang bookies kag legal ang ila nga mangin operasyon.

(Aljohn Torreta)