Mayor Jed Patrick Mabilog, Liwat ginhingadlan ni Presidente Duterte nga may kaangtanan sa illegal nga druga

Iloilo City – Liwat nga ginhingadlan ni Presidente Rodrigo Duterte si mayor Jed Patrick Mabilog bilang drug protector.

Sa iya speech sa Turn Over Ceremony sang Rehabilitation Facility sang Chinese-Filipino Chamber of Commerce and Industry sa Davao del Norte, ginpahayag ni Duterte nga may 32 ka mayors sa pungsod ang may kaangtanan sa illegal nga druga kag nalakip diri si Mabilog nga ginpahayag paka-isa ni senador Franklin Drilon.

Dugang pa ni Duterte, may 9 ka mga generals kag 6 mil man nga mga pulis ang may kaangtanan sa illegal nga druga base sa iya nauyatan nga listahan.

Ginpahayag man ni Duterte nga 40 porsyento sa kabugusan nga numero sang mga punong barangay sa syudad ang ginapatihan may kaangtanan  sa illegal nga druga.

(Aljohn Torreta)