Final Mechanics sa Stickering sang mga Drug-Free Nga Balay, Ipaguwa sa Marso – DILG
Iloilo City – Natalana nga ipaguwa sang Department of Interior and Local Government ang pinal nga mechanics may kaangtanan sa stickering sa mga panimalay nga drug free sa una ukon ikaduha nga semana sang Marso.
Ini ang ginpahayag ni DILG Secretary Ismael Mike Sueno sa mga katapo sang media sa iya pagsapol sa katapo sang regional peace and order council sang Regions 6,7,8 kag Negros Island Region subong nga adlaw.
Suno kay Sueno, nagalibot siya sa bilog nga pungsod sa pagkuha sang maayo nga mga practices sang mga local government units may kaangtanan sa nasambit nga lihok.
Ginpabutyag ni Sueno nga katuyuan nila nga tuytuyan ang mga pumuluyo ilabi ang may kaangtanan sa illegal nga druga agud malikawan ang pagpatay sa natungdan kun magbato ini sa otoridad.
(Aljohn Torreta)