‘Unfair’

Iloilo City–Indi patas ang hatagay sang mga homelots sa relocation sites suno sa reklamo sang mga transients nga ginhatagan sang temporaryo nga ilistaran sa Uswag Subdivision sa San Isidro, Jaro.

Madamo pa nga na-apektuhan sang demolition sa Rotary Park; Nabitasan, Lapaz kag Desamparados, Jaro halin 2010 tubtob 2011 ang ginreport nga wala nahatagan sang homelot. Reklamo nila, may mga transients nga madasig man lang nahatagan sang homelot.

Suno kay Christian Catinggan, isa sa mga temporaryo nga naga-istar sa Uswag Subdivision, nag-apply siya sa ICUPAO sang 2010 bangud nagalumon lang sila sa iya lola.  Ginhatagan man siya sang temporaryo nga ilistaran apang tubtob subong, wala gihapon mahatagan sang homelot.

Gin-akusaran ni Catinggan ang Iloilo City Urban Poor Affairs Office ukon ICUPAO nga may pinilian sa paghatag sang homelots. (AGB)