‘Transport Strike sa Lunes’

Iloilo City – Wala sang byahe ang mga public utility jeepney sa syudad kag probinsya sa lunes, Pebrero 27.

Ini ang ginpahayag ni Iloilo City Loop Alliance of Jeepney Owners and Drivers Association President Raymundo Boyet Parcon.

Suno kay Parcon, ang transport strike kag welga ng bayan ang lihok sang ICLAJODA kag mga transport groups sa probinsya sa pagkondena sang mandatoryo nga pag-phase out sa 15 anyos kag pataas nga mga jeepney.

Dugang niya, wala sang ikasarang ang mga jeepney operators sa pagpangita sang capital sa nasambit nga programa.

Ginpahayag ni Parcon nga maumpisa alas sais sa aga tubtob alas sais sa hapon ang transport strike nga natalana man nga pasakupan sang pila ka mga taxi kag bus units.

Magabalik naman sa normal ang byahe sang mga jeepney, taxi kag bus suno kay Parcon paglampas alas sais sa hapon.

(Aljohn Torreta)