Anay Punong Barangay sa Pototan nga nadakpan sa raid sang PDEA kag nakuhaan sang suspected shabu, nanginwala nga involved siya sa illegal drugs
Iloilo City — (UPDATE) Ginapanindugan ni anay Punong Barangay Ramon Platon sang Intaluan, Pototan nga inosente siya sa akusasyon nga involved siya sa illegal drugs matapos gintudlo nga number 1 target sang Philippine Drug Enforcement Agency 6 sa probinsya sang Iloilo.
Suno kay Platon, wala man sang kamatuoran ang akusasyon nga nakapatay siya.
Ginpahayag ni PDEA 6 Assistant Regional Director Levi Ortiz nga miembro si Platon sang Ilonggo group kay may kaso siya nga robbery, double murder kag kidnapping.
Ginpahayag ni Platon nga wala gid siya nakahibalo nga siya ang number 1 nga target sang PDEA 6.
Ginabanta sa walo ka milyon ka pesos nga suspected shabu ang narecover sa balay ni Platon sa raid sang PDEA 6 kahapon sang aga. May narecover man nga pusil kag mga bala. (JoMaque)