Construction worker, nasapwan nga patay sa sulod sang patyo sa Jaro
Iloilo City — Nasapwan nga patay na sa sulod sang patyo sa Brgy. Quintin Salas, Jaro ang 41-anyos nga construction worker.
Ginkilala ang nasapwan kay Roland Velasco sang Tacas, Jaro.
Suno sa iya utod nga si Merlinda Velasco, nagbakal lang ini sang ice cream kagab-e para sa iya kabataan pero wala na nakapauli tubtub gintundaan na lang sila nga nasapwan ini sa sulod sang patyo.
Maselebrar pa kuntani si Velasco sang iya kaadlawan buwas.
Gin-ako naman sang asawa ni Roland nga may mga kontra ang iya bana ilabe na kun naka-inum. (JoMaque)