Department Store sa Alimodian, nasunog!
Alimodian, Iloilo — Ginabanta sa 2.5 million pesos ang kahalitan sa nagluntad nga sunog sa CLA department store sa Magallanes Street, Poblacion, Alimodian pasado ala 1 kaina sang kaagahon.
Suno kay Senior Inspector Ramon Coriana, hepe sang Alimodian Police Station, totally damage ang 2nd floor sang building.
Naghalin man sa 2nd floor ang kalayo suno kay Coriana apang indi pa madeterminar ang ginhalinan sang kalayo sa establisimento nga ginapanag-iyahan ni Mr. Christopher Laurel Alcalde.
Ginpahayag ni Coriana nga nakita sang mga nagalagaw nga agi ang pagtub-ok sang aso sa building gani madasig nga ginpahibalo ang market guard nga nagpahibalo naman sa mga police kag Bureau of Fire Protection.
Wala nasunog ang ground floor bangud madasig nga nagresponder ang firetruck sang San Miguel, Leon, Tigbauan, Oton kag Pavia. (JoMaque)