LTFRB 6, magatipon sang mga ebidensya batuk sa mga operators nga nag-untat biyahe kahapon
Iloilo City–Indi pa makahatag sang desisyon ang Land Transportation Franchising and Regulatory Board ukon LTFRB 6 kun anu ang mangin penalidad sa mga transport operators kag drivers nga nag-upod sa untat biyahe kahapon.
Suno kay Atty. Jose Mari Lamparero, spokesperson sang LTFRB 6, masapol pa sila subong nga adlaw agud istoryahan kag i-evaluate ang mga ebidensya nga natipon sang mga enforcers antes magdesisyon. Una na ginpahayag ni Lamparero nga padal-an sang show cause order ang mga transport operators agud magpa-athag sa ila pag-upod sa transport strike.
Pagakanselahon suno sa iya ang frangkisa sang transport operator nga mapamatud-an may violations.
Handa namanĀ sabton sang mga transport operators ang tikang sang LTFRB. Suno kay PISTON Panay President Edgar Salarda, abogado nila ang ma-atubang sa ipapanaug nga sanction sang LTFRB.
Sa mandu sang LTFRB Central Office, dapat i-implementar ang ‘no strike policy’ sang ahensya nga ginsumpaan naman sang mga operators antes magkuha sang frankisa. (AGB)