PNP kag AFP, madeploy na sang tinawo sa Iloilo City sugod subong nga adlaw para sa ASEAN meeting!
Iloilo City–Magasugod subong nga adlaw ang deployment sang Philippine National Police kag Armed Forces of the Philippines sa syudad bilang preparasyon sa Association of Southeast Asian Nations ukon ASEAN meetings subong nga Marso.
Suno kay Police Regional Office ukon PRO 6 Spokesperson PSUPT Gilbert Gorero, mas maayo nga temprano ang deployment agud makita ang sitwasyon sang syudad kag mabantayan ang venue nga hiwatan sang meetings. 50 porsiento sang mga pulis kag soldado nga magabantay sa seguridad ang una nga iga-deploy kag ang dugang nga 50% sa masunod nga semana.
Ginalauman naman nga maga-abot na sa syudad ang mga delegado kag mga miembro sang national organizing committee. (AGB)