72-anyos nga babaye sa Banate, ginkastigo kag gintuyo himuslan sang ginapatihan adik!
Banate, Iloilo–Ginhalukan, ginkastigo kag gintuyo pa himuslan sang lalaki nga ginapatihan adik ang 72-anyos nga paltera sa Barangay Dela Paz kagab-i.
Suno kay SPO2 Cyril Baldemor, Deputy Chief sang Banate Police Station, natabu ang insidente alas-6:30 sang gab-i. Ginpahayag ni Baldemor nga nagsugat-anay ang biktima nga si alyas Felicita kag suspek nga si Regie Besen alyas Doroy.
Suno pa sa pulis, una nga ginhalukan sang suspek ang biktima pero nagpanginpadlos gani ginsakit siya. Dugang ni Baldemor, ginhikap pa ni Besen ang kinatawo sang tigulang antes nagpalagyo.
Padayon nga ginabulong si alyas Felicita sa Western Visayas Medical Center. (AGB)