Gun Ban para sa ASEAN Meeting sa Iloilo City, masugod buwas sa kaagahon!

Iloilo City — Masugod na buwas sa kaagahon ang gun ban para sa Association of Southeast Asian Nation (ASEAN) Meeting nga hiwaton sa syudad sang Iloilo.

Magalawig ang gun ban sa Marso 20. Nagpanugyan si PRO 6 Public Information Officer Supt. Gilbert Gorero sa mga law enforcers nga likawan ang pagdala sang pusil kun wala sang duty.

Ang otorisado lang suno sa iya nga magdala sang pusil amu ang mga pulis nga naka-complete uniform kag naka-civilian nga close-in security sang mga bisita nga may identification card kag may pangalan nga ASEAN.

Suno kay Gorero, kun may law enforcers nga naga-duty sa iban nga probinsya ukon negosyante nga nagaplano magsulod sa syudad, mahimo nga maka-deposito sang ila nga pusil sa pinakamalapit nga police station ukon iturn over sa mga pulis nga naga-conduct sang checkpoint. (JoMaque)