Mga hepe sang tatlo ka police stations sa Iloilo City, ginpangayuan sang paathag sang NAPOLCOM 6 matapos nakitaan sang mga kapaltahan sa spot inspection
Iloilo–Ipatawag sang National Police Commission 6 ang mga hepe sang police stations sang Mandurriao, Jaro kag City Proper agud pangayuan sang written explanation angut sa nakita nga kapaltahan sa spot inspection sang damlag lang.
Kun indi valid suno kay NAPOLCOM 6 Spokesperson Allen Camiring ang paathag sang mga chiefs of police, magapangatubang sila sang kaso nga gross neglect of duty.
Nakita sang inspection team nga may kakulangan ang mga police stations ilabe na sa ila duty detail order. Gintumod dire ni Camiring ang Mandurriao kag Jaro Police Stations kabangdanan wala nakahibalo ang mga pulis kun ano ang ila himuon.
May yara naman sang duty detail order ang Police Station 1 apang wala naman sang pulis nga gin-assign.
Natukiban man ang delayed nga pagresponder sang Jaro police sa insidente sa Tabuc Suba. May kapaltahan man ang tatlo ka police stations nga magpanakop sang mga nagalagaw nga menor-de-edad sa tiun sang spot inspection. (AGB)