PRO 6, handa magbaton liwat sang responsibilidad agud mag-conduct sang anti-drug operations

Iloilo City — Handa na ang Police Regional Offie 6 magbaton liwat sang responsibilidad agud magconduct sang anti-drug operations.

Pero suno kay PRO 6 spokesperson Supt Gilbert Gorero, ginahulat pa nila ang final instruction kag guidelines halin sa central office.

Sa subong suno kay Gorero, may instruction si PRO 6 Director Chief Supt Jose Gentiles nga magpangita na sang pulis nga mahimo ibutang sa tukuron nga task force agud liwat magconduct sang anti-drug operations.

Sang damlag lang, ginpabutyag ni Presidente Rodrigo Duterte nga nakadepende na kay PNP Chief Ronald Dela Rosa ang pagbalik sang mga pulis sa anti-drug operations.

Ginkakasan sang gahum ang PNP nga maghimo sang mga operasyon batuk sa illegal drugs matapos nadalahig ang pila ka pulis sa kamatayon sang negosyante nga South Korean sa Pampanga kag gin-angut ang insidente sa Oplan Tokhang. (JoMaque)