Hepe sang Police Station 1, nagapangayo sang bulig sang mga punong barangay sa pag-implementar sang Curfew Ordinance

Iloilo City–Naghingyo sang bulig sa mga punong barangay si PCI Aldren Lamera, hepe sang Police Station 1, agud magbantay sa mga pamatan-on nga nagalagaw kun tungan gab-i tubtub kaagahon.

Gin-ako ni Lamera nga indi masarangan sang mga pulis ang pagbantay sa mga menor-de-edad kun indi magbulig ang mga barangay officials.  Ginpasiguro sini nga padayon ang saturation drive sang kapulisan sa mga menor-de-edad santu sa ordinansa sa curfew sang mga minors.

Una na ginpabutyag ni City Social Welfare and Development Office Focal Person Merlyn Gison nga nakahibalo na ang mga barangay officials sang ila obligasyon sa mga pamatan-on bangud sila ang chairman sang Barangay Council for the Protection of Children ukon BCPC.

May impormasyon nga may mga punong barangay nga wala nagakooperar sa programa sang syudad ilabe na sa pagpatuman sang Curfew for Minors Ordinance. (AGB)