Isa sa mga suspetsado nga menor de edad sa pagpamuno sa La Paz, Nag-surrender!
Iloilo City – (UPDATE) Todo panginwala sa akusasyon ang 16-anyos nga lalaki nga ginatudlo nagbuno sa 21-anyos nga lalaki sa Hechanova Street, Lapaz kagab-e.
Suno kay alyas Jomar, ang iya amigo nga si alyas Tyron ang nagbuno kay John Paul Pasamosa sang Brgy. Dulonan Pajo, Arevalo.
Base sa kuha sang CCTV cameras sa crime scene, ang duwa ka menor ang nakita sa crime scene antes nagluntad ang insidente. Padayon nga ginabulong sa Western Visayas Medical Center ang biktima samtang sa idalum naman sang kustodiya sang Women and Children Protection Desk si alyas Jomar.
Una na ginreport nga nagsurender si alyas Jomar kay Rizal, Lapaz Punong Barangay Jolly Peñasales. Ginpabutyag ni Peñasales nga responsibilidad sang mga ginikanan nga bantayan kag sawayun ang ila mga kabataan.
(Aljohn Torreta)