Mayor Jed Patrick Mabilog, nagalaum nga makalab-ot kay Presidente Duterte ang iya pagpanikasog sa anti-drugs campaign
Iloilo City – Nagalaum si Mayor Jed Patrick Mabilog nga makalab-ot man kay Presidente Rodrigo Duterte ang mga reports may kaangtanan sa iya kampanya kontra sa illegal nga druga. Ini ang matapos nalawagan liwat ni Duterte si Mabilog nga may kaangtanan sa illegal nga druga sa iya speech kahapon sa Lapu-Lapu City, Cebu.
Suno kay Mabilog, nagapangadi siya nga makalab-ot kay Duterte ang iya gina-obra kag magpati ini sa report. Ginakabig ni Mabilog nga seryoso nga instruksyon halin sa presidente ang iya pagtawag sa iya pangalan nga mas pabaskugon kag kinahanglan nga pamatud-an ang iya kampanya kontra illegal nga druga.
Nagpahayag si Mabilog nga ginarespeto niya ang presidente wala sapayan liwat-liwat niya nga ginalawag ang iya pangalan nga may kaangtanan sa illegal nga druga.
(Aljohn Torreta)