Mayor Jed Patrick Mabilog Nanindugan Nga Wala Sang Paglapas Sa Layi Ang Paghatag Sang Homelot Sa Iya Ginpahayag Mga Kabulig Sa Iloilo River Plains Subdivision

Iloilo City – Nanindugan si Mayor Jed Patrick Mabilog nga wala sang paglapas sa layi ang paghatag sang homelot sa ginpahayag mga kabulig niya sa Iloilo River Plains Subdivision.

Suno kay Mabilog, sakop sanday Gloria Puyat kag mag-asawa nga Rouena kag Brayan Ocas sa mga urban poor nga gusto mag-avail sang mga proyekto sang syudad base sa RA 7279 kag ordinansa nga nagtukod sang Iloilo City Urban Poor Affairs Office ukon ICUPAO.

Una na ginreport nga Board of Directors si Puyat kag mag-asawa nga Ocas sa Megapacific Food Services Inc. sa diin anay Board of Director man si Mabilog.

Ginkunfirma naman ni Mabilog nga kabulig niya si Puyat apang ginpanginwala sini nga nagabantay sa iya bata si Rouena kag anay-body guard kag personal assistant niya si Brayan.

(Aljohn Torreta)