P1,000 nga saka sa pension sang mga SSS penioners para sa bulan sang Enero, makuha na subong nga adlaw!

Iloilo City–Mabaton na subong nga adlaw sang mga pensioners ang P1,000 nga pension increase para sa bulan sang Enero.

Suno kay Mr. Raul Casiano, SSS Division Head sa Panay kag Guimaras, napasulod na sang ahensya sang Lunes ang dugang nga pension. Magadepende naman suno sa iya sa mga bangko ang pag-release sang adjustment sang mga pensioners.

Na-formalize lang sang nagligad nga semana ang P1,000 nga pension increase sa monthly pension. Ang Pebrero nga adjustment, ihatag sang SSS sa Marso 10 samtang sa Marso 17 naman ang para sa Marso.

Sugod sa Abril, ilakip na sa regular nga pension ang dugang nga P1,000. (AGB)