ArchivesLokal

PRO 6 Spokesperson Gilbert Gorero, nagpahanumdom angut sa Gun Ban sa syudad

Iloilo City – Nagpahanumdom si Police Regional Office 6 Spokesperson Gilbert Gorero sa publiko nga indi magdala sang pusil kun magkadto sa syudad.

Ini ang matapos gin-implementar ang gun ban sa syudad umpisa subong nga adlaw tubtob sa marso 20 bilang parte sang preparasyon sa ASEAN meeting nga hiwaton sa syudad.

Ginpaathag ni Gorero nga ang nasakupan sang gun ban amu ang mga tawo nga may lisensya ang pusil apang nagpasalig ini nga padayon ang ila hugot nga pagbantay agud madakpan lakip man ang nagadala sang pusil nga wala sang lisensya.

Nagpahayag man si Gorero nga ang mga naka-full uniform lang nga mga pulis ang pwede makadala sang pusil sa syudad lakip ang mga pulis nga naga-escort sa mga VIP personalities.

Una na ginreport nga wala sang may narecord ang Iloilo City Police Office nga naglapas sa gun ban halin kaina sang aga tubtob alas dose kaina sang udto.

(Aljohn Torreta)

Leave a Reply