104 ka benipisyaryo sang homelot sa Iloilo Riverplains Subd. relocation site, nakitaan sang violations sang ICUPAO
Iloilo City — 104 ka mga benificiaries sang homelot sa Iloilo Riverplains Subdivision relocation site ang nakitaan sang violations sang Enero sang Iloilo City Urban Poor Affairs Office (ICUPAO).
Sa notice of violation sang ICUPAO, may lima ka sirkumstansya nga ground sang violations.
Ginalakipan ini sang pag-ilis sang disenyo sang balay; indi pag-okupar sa assigned homelot; pagpa-istar sa homelot sa lain nga tawo; pagbisita lang sa homelot kag pagsagod sang sapat.
Suno kay ICUPAO Chairman Jeck Conlu, kalabanan sa mga violations ang pagpa-istar sa homelot sa iban nga tawo, indi pagpa-istar sa homelot kag talagsa nga pagkadtu sa homelot.
Masobra lima ka benipisaryo suno kay Conlu ang nahatagan na sang katapusan nga notice kag posible mabawian san homelot subong nga bulan. (JoMaque)