(UPDATE) Isa sa mga nadakpan nga suspetsado nga nag-abduct sa magkatrabaho kag nagdala sa Northern Iloilo, nag-ako nga gin-molestyahan nila ang babaye
Iloilo City — Gin-ako sang isa sa mga suspetsado nga gintudlo nag-abduct sa magkatrabaho nga alyas Princess kag alyas Mark nga ginmolestyahan ang babaye.
Gintudlo ni Raymond Cordero, 22 sang Amamaros, Pototan si Sirius Gim Villareal, 22-anyos sang Tigbauan, nga una naghurikap sa babaye samtang nagapos sang duct tape sa likod sang ila salakyan ang iya kaupod nga si alyas Mark.
Nakita ni Cordero nga ginhikap ni Villareal ang dughan ni alyas Princess samtang naga-drive sang salakyan.
Magluwas sini, ginkagat man ni Villareal ang dila sang babaye matapos sini ginhambalan nga magdiwal sang nag-stop over sila sa Zarraga.
Nagahilibion lang suno kay Cordero si Princess samtang ginamolestyahan ini ni Villareal.
Napilitan man si Cordero nga maghalok sa babaye kag maghikap sa dughan sini bangud ginpahog siya ni Villareal samtang ginatayaan sang pusil.
Kaupod man nila si Robert Tingson sang Amamaros, Pototan pero nagpanaug ini sa Zarraga.
Si Villareal suno kay Cordero ang nagplano nga manghold-up sila agud makakwarta.
Uuna na nadakpan si Villareal kag kaina sang kaagahon nadakpan si Cordero samtang at-large si Tingson. (JoMaque)