ArchivesLokal

Una nga adlaw sang ASEAN meeting sa Iloilo City, nangin malinong kag matawhay suno sa PRO 6

Iloilo City–Wala sang na-monitor nga seryoso nga pamahog ang kapulisan sa una nga adlaw sang Association of Southeast Asian Nations ukon ASEAN meeting kahapon.

Suno kag Police Regional Office 6 Spokesperson PSUPT Gilbert Gorero, indi lang sa syudad sang Iloilo ang wala sang pamahog kundi pati na ang bug-os nga Western Visayas. Apang nagapabilin nga alerto ang kapulisan kag iban pa nga law enforcement units agud masiguro nga malinong kag matawhay kag madinalag-on ang paghiwat sang ASEAN meetings.

Nagpahamtang man sang regional joint operation center ukon RJOC ang PRO 6 agud mapadasig ang pagresponder kon may insidente.

Ginbutang ang RJOC sa Jubilee Hall sang Department of Education kag dire ginaplanuhan ang security deployment, traffic, billeting areas kag mga lugar nga pagakadtuan sang mga delegado. (AGB)

Leave a Reply