Mga punong barangay sa Arevalo, naglunsar sang Ronda for Minors

Iloilo City — Naglunsar sang Ronda for Minors ang mga punong barangay sa Arevalo agud bantayan kag dakpun ang mga pamatan-on nga nagalagaw kun tungan gab-e tubtub kaagahon.

Suno kay Sto. Domingo, Arevalo punong barangay Lawrence Lorenzo, ABC District Ppresident, ginsuguran nila ang tikang sang pebrero kaupod ang chief of police sang Arevalo Police Station kag mga tanod sa kabaranggayan.

Kun may makita suno sa iya nga menor de edad, dal-on ini sa tanod outpost, istoryahon kag idul-ong sa ila balay.

Kun madakpan naman nga nagahimo sang gamu, dal-on sa police station ang menor de edad kag ipasugat sa ila ginikanan.

Ginpahayag ni Lorenzo nga mapilitan sila nga iturn over sa DSWD ukon WCPD ang mga pamatan-on nga indi magpasaway kag padayon nga nagalagaw kun tungan gab-e tubtub kaagahon.

Himoon ang Ronda for Minors para sa istrikto nga pagpatuman sang curfew for minor ordinance sang syudad agud malikawa sa gamu ang mga pamatan-on kag makahalit sa iban nga tawo. (JoMaque)