January 25, 2022

‘High Profile Inmate’

Read Time:54 Second

Iloilo — (UPDATE)   Ginakabig nga high profile inmate sa iIloilo District Jail sa Nanga Pototan si Sirius Gim Villareal sang Tigbauan, isa sa tatlo ka suspek sang pagkidnap sa magnobyo halin sa SM city car park, pagcarnap sang ila salakyan kag pagmolestiya sa biktima nga babaye.

Suno kay Jail Senior Inspector Abner Zamora, warden sa IDJ, nakilala na si Villareal bangud sa iya kaso gani luyag man nila nga maproteheran ini sa iban nga inmates.

Sang 2015 una nga napasakaan sang kaso nga rape si Villareal pero nagpalagyo kag liwat nadakpan sang lunes sang gab-i matapos ang ginhimo sa kanday alyas Mark kag alyas Princess.

Kahapon, ginpasaka na ang mga kaso kontra sa kay Villareal kag sa iya gintudlo nga mga kaupod nga sanday Raymond Cordero kag Robert Tingson sang Amamaros, Pototan.

Kaso nga carnapping with serious illegal detention and grave threats ang gin-file sang tatlo; kaso nga rape by sexual assault batuk kanday Villareal kag Cordero bangud sa pag-molestya kay alyas Princess kag illegal possession of firearm batuk kay Villareal matapos nakuhaan sang 12-gauge shotgun. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post (UPDATE) Sirius Gim Villareal nga gintudlo mastermind sa pagkidnap sa magnobyo, pagcarnap sang ila salakyan kag pagmolestiya sa babaye nga biktima, ginbutang sa separado nga selda sa Iloilo District Jail
Next post Calinog police nga ginatudlo fixer sa LTO, nadakpan sa buybust operation