(UPDATE) Sirius Gim Villareal nga gintudlo mastermind sa pagkidnap sa magnobyo, pagcarnap sang ila salakyan kag pagmolestiya sa babaye nga biktima, ginbutang sa separado nga selda sa Iloilo District Jail

Pototan, Iloilo–Ginbutang sa lain nga selda sa Iloilo District Jail sa Barangay Nanga si Sirius Gim Villareal, 22-anyos sang Tigbauan, nga ginatudlo mastermind sa puwersa nga pagdala sa magnobyo, pagcarnap sa ila salakyan kag pagmolestya sa babaye nga biktima.

Ginakahangaw-an nga makastiguhan sang iban nga preso si Villareal bangud sang ginapangatubang sini nga kaso gani ginseparar ang iya selda. Pero gin-athag ni Jail Inspector nga may kaupod si Villareal nga 15 pa ka mga preso sa separado nga selda.

Preso naman sa Mandurriao Police Station ang duha pa ka suspetsado nga sanday Raymond Cordero, 22, kag Robert Tingso, 30,  sang Amamaros, Pototan.

Kahapon, ginpasakaan sang kaso sanday Villareal, Cordero kag Tingson sa Iloilo Provincial Prosecutors Office kag City Prosecutors Office.

Kaso nga carnapping with serious illegal detention and grave threats ang gin-file sang tatlo ka suspetsado. Magluwas sini, nagapangatubang man sang kaso nga rape by sexual assault sanday Villareal Cag cordero bangud sa pag-molestya kay alyas Princess.

Ginkasuhan man sang illegal possession of firearm si Villareal matapos nakuhaan sang 12-gauge shotgun. (AGB)