ArchivesLokal

Jaro ABC President Eva Palmejar, nagpatawag sang emergency meeting sa tanan nga mga kapitan para sa simultaneous launching sang Curfew for Minors Ordinance

Iloilo City – Nagpatawag si Lopez Jaena, Jaro Punong Barangay kag Jaro Association of Barangay Captains President Eva Palmejar sang emergency meeting sa tanan nga kapitan sa district sa Marso 13.

Katuyuan sini nga ma-istoryahan ang simultaneous launching sang istrikto nga pag-implementar sang Curfew for Minors Ordinance sa Marso 15 sa bug-os nga syudad.

Ginpa-athag ni Palmejar nga wala sang problema sa mga menor-de-edad nga nagalagaw sa curfew hours sa iya barangay. Pero gin-ako niya nga may mga pamatan-on gid man nga nagalagaw sa Jaro Plaza bisan nga may ordinansa sa curfew for minors.

Gindayaw naman ni Palmejar ang iban nga barangay nga naga-implementar sang Curfew for Minors Ordinance. Espesyal nga ginmitlang ni Palmejar ang barangay officials sa San Roque nga nagalibot antes mag-alas 10 sang gab-I kag ginapahanumdom sang curfew gamit ang megaphone agud mabatian sang tanan.

(Aljohn Torreta)

Leave a Reply