Mga Punong Barangay sa Molo, Nagsapol upod ang Hepe sang Molo Police Station, Representante sang DSWD kag TFMVF

Iloilo City – Nagsapol ang 25 nga mga punong barangay sa Molo upod ang chief of Police sang Molo Police Station kag representante sang Department of Social Welfare and Development kag Task Force on Moral and Values Formation subong nga hapon. Ini ang may kaangtanan sa paglunsar sang curfew on minors kasunod sang involvement sang mga kabataaan sa mga krimen sang damlag lang.

Suno kay Association of Barangay Captains-Molo President Serilio Lapasua, dapat indi na maglagaw maglampas alas dyes sa gab-e ang mga kabataan lakip ang mga pangayaw agud malikawan ang mga insidente.

Samtang, natalana man nga magsapol ang 45 ka mga punong barangay sa City Proper bwas nga adlaw. Suno kay Association of Barangay Captains-City Proper President Allen Rey Depatillo, ginasaway na nila ang mga kabataan nga nagalagaw kun gab-e antes pa man ilunsar ang curfew for minors.

Una na ginreport nga ginpangunahan ni Association of Barangay Captains-Arevalo President Lawrence Lorenzo ang ronda sa brgy sa diin nagalibot ang mga brgy. officials kag tanod kada gab-e agud sekyarun ang lugar.

(Aljohn Torreta)