Task Force on Moral and Values Formation Head, nagsugod na sapol sa mga barangay officials may kaangtanan sa Curfew for Minors Ordinance

Iloilo City–Ginsuguran na ni Task Force on Moral and Values Formation Head Jorge Duron nga makigsapol sa mga barangay officials kag ABC presidents sa kada distrito agud pangabayon ang ila kooperasyon sa igalunsar nga simultaneous activity sa pag-implementar sang Curfew for Minors Ordinance sa Marso 15.

Una nga ginsapol ni Duron ang mga barangay officials sa Mandurriao kahapon kag sunod nga istoryahon ang Lapuz kag Lapaz subong nga adlaw; City Proper kag Arevalo sa Sabado kag Jaro sa Lunes. Gin-ako ni Duron nga indi niya mapuwersa ang mga barangay officials nga mag-cooperate sa implementasyon sang ordinansa bisan pa mahimo nga mapasakaan sang kaso administratibo.

Sa data sang Task Force, naglab-ot na sa 54 ka mga pamatan-on ang nadakpan nga naglapas sa Curfew for Minors Ordinance halin Enero. (AGB)