Tokhang surrenderer, nadakpan sa drug buybust operation sa Balasan!

Balasan, Iloilo-Arestado ang tokhang surrenderer sa drug buybust operation sa beerhouse sa Brgy. Mamhut Sur kagab-i.

Gin-ako ni Deserie Bawega, 22-anyos nga nagagamit kag nagabaligya siya sang illegal nga druga. Narecover kay Bawega ang tatlo ka sachets sang suspected shabu kag 300 pesos nga buybust money.

Si bawega ang tokhang surrenderer kag tumandok sang Jalandoni Estate, Lapuz.

Sa pihak nga bahin, gin-ako sang mangunguma nga nadakpan sa buybust operation sa Sitio Baclayan, Barangay Mapili, San Enrique nga nagakuha siya sang illegal drugs sa Bakhaw, Mandurriao. Nadakpan si Benjie Onofre, 42-anyos, sang gintingub nga pwersa sang Provincial Drug Enforcement Unit, PDEA 6 kag San Enrique police.

Nakuha kay Onofre ang 12 ka sachets sang suspected shabu nga may P15,000 nga street value, 500 pesos nga buybust money kag mga drug paraphernalia. (AGB)