Lalaki nga ginpahayag nanghangkat sang inaway kag nagpamuyayaw sa mga barangay officials sa Molo, ginpapreso!

Iloilo City–Ginpapreso sang mga barangay tanod kag barangay official sang Molo ang 28-anyos nga lalaki matapos nanghangkat sang inaway kag nagpamuyayaw sa ila lugar.

Base sa blotter report, alarm and scandal, oral defamation, direct assault kag disobedience to person in authority ang iga-file nga kaso batuk kay Ronie Tabucoldo sang Zone 3 North Baluarte, Molo. Antes ang insidente, disgrasya nga nabungguan sang salakyan sa Tabucan, Mandurriao si Tabucoldo. Gindala ini sa police station apang sang gintawgan sang ICER agud kuntani nga bulngon, naglakat ini pauli.

Pag-abot sa ila balay, ginpahayag nga nagpanghangkat sang away si Tabucoldo bangud gin-akusahan sini ang iya iloy nga nagkastigo sa iya bata.

Gilayon nga nagtawag ang iya pamilya sang tanod kag barangay officials kag gindala sa police station. (AGB)