(UPDATE) Isyu sang homeowners sang Double Dragon Happy Homes Subdivision sa Mandurriao

Iloilo City–Naghisugot ang mga homeowners sang Double Dragon ukon DD Happy Homes Subdivision sa Oñate, Mandurriao nga i-hold anay ang pagbayad sang water bills samtang wala pa sang solusyon sa problema nila sa tubig.

Magluwas nga mahigko ang tubig, tuman ka mahal pa suno sa mga homeowners ang sukot sa ila. Sang damlag lang, nagpadala sang sulat ang developer sang subdivision kag nagpabalo sa homeowners nga magakutkot na lang sang bubon para magamit sang mga residente.

Ginareklamo man sang mga homeowners ang ginpahayag plano sang developer nga mag-angut sa linya sang Metro Iloilo Water District ukon MIWD bangud nagalab-ut sa 11 milyones pesos ang gastuhon nga abagahon sang mga naga-estar sa subdivision.

Naga-ampo suno kay alyas Lyn, secretary sang Homeowners Sssociation, nga indi masarangan sang 70 ka miembro ang tuman ka daku nga balayran. (AGB)