Mga barangay officials kag drug surrenderers sa Veterans Village, City Proper, mapa-drug test sa PDEA 6
Iloilo City–Boluntaryo nga mapa-drug test sa Philippine Drug Enforcement Agency ukon PDEA 6 ang mga barangay officials kag masobra 70 ka drug surrenderers sang Veterans Village, City Proper.
Ginkumpirmar ni Punong Barangay John Eric David nga nagpadala na siya sang sulat kay PDEA 6 Director Atty. Gil Pabilona nga mapa-drug test sila. Ginhisugtan sang tanan nga masig-bayad sa drug test agud mangin ehemplo sila sa iban nga barangay sa syudad.
Nagpasalig si David nga pangunahan niya ang drug testing agud madasig ang anti-drug clearing operations sa barangay. (AGB)