ArchivesLokal

Tagdumalahan sang Aura Disco Bar, natalana magpasaka sang kaso batuk sa mga lalaki nga involved sa rumble

Iloilo City — (UPDATE)  Desidido ang tagdumalahan sang Aura Disco Bar sa Smallville Complex sa Diversion Road, Mandurriao nga mag-file sang kaso batuk sa mga lalaki nga involved sa rumble sang Sabado sang kaagahon (Marso 11).

Suno kay Herman Magarse, security officer sang Aura Disco Bar, nagkadtu sila sa Mandurriao Police Station kaina upod man ang mga biktima agud magkuha sang kopya sang blotter report para ilakip sa iga-file nga kaso.

Daku suno sa iya ang kahalitan nga ginhimo sang grupo sa mga pagkabutang sang disco bar nga ginabanta naglab-ot sa masobra sien mil pesos.

Ginpahayag ni Magarse nga gin-ban na nila sadtu ang mga lalaki nga involved sa gamu apang liwat nga nagbalik.  Nalakip sa grupo ang menor de edad nga ginturn over sa women and children protection desk sang Mandurriao Police Station.

Nabun-an sang buka nga botelya si Michael Cerada, 27-anyos sang Dulunan, Arevalo samtang napilasan sa ibabaw sang kilay si Aira Jane Savillano, 22-anyos sang Alalasan Lapuz nga naigo sang ginhaboy nga botelya. (JoMaque)

Leave a Reply