ArchivesLokal

‘Una gid sa listahan’

Iloilo City — (UPDATE)  Ginasabat lang ni businessman rommel ynion ang pamangkot sang media sa impormasyon nga iya ginsugid kay Councilor Plaridel Nava nga tuyo sadto ipapatay ang konsehal ni Congressman Jerry Treñas.

Gin-athag ni Ynion nga wala siya sang tuyo nga expose batuk sa kongresista kundi ginasugid niya lang ang iya nabatian sang nagkadto siya sa balay ni the late PDEA 6 identified drug group leader Melvin Odicta sang campaign period sang nagligad nga tuig.

Ginpahayag ni Ynion nga ginpabalo niya gilayon si Nava sa iya nabatian paagi sa common friend nila bangud may gap sila sang una sang konsehal.

Una na nga gin-athag ni ynion nga nakakadto siya sa balay ni Odicta bangud luyag niya man maklaruhan sa isyu nga ipapatay siya sini. Dugang ni Ynion, amo man ato ang tiun sang iya una kag katapusan nga pagkadto sa balay ni Odicta.

Ginsaysay ni Ynion nga ginhambal ni Odicta nga damo ang patyon sang ila grupo pero una gid sa listahan Nava kag nadala man si Aksyon Jun Capulot. Indi man mahangpan ni Ynion kon ngaa nagapanugid sa iya si Odicta. (JoMaque)

Leave a Reply