(UPDATE) Hepe sang Ajuy Police Station, mahingyo sa Sangguniang Bayan nga mapasar sang ordinansa sa pag-ban sang porn websites sa mga internet cafes sa banwa

Ajuy, Iloilo–Plano ni PCI Charlie Sustento Jr, hepe sang Ajuy Police Station, nga hingyuon ang Sangguniang Bayan nga magdihon sang ordinansa nga magadumili sa mga menor-de-edad nga maka-access sa pornographic websites sa mga internet cafes.

Kasunod ini sang report nga gin-gang rape ang 11-anyos nga Grade 4 pupil sang apat ka menor-de-edad sang nagligad nga Marso 6. Nagalaum si Sustento nga ma-block ang porn sites agud malikawan ang pag-explore sang kabataan.

Una na ginreport nga nagtan-aw sang porn material ang biktima kag apat ka suspek pila ka adlaw antes ang alleged gang rape. Gin-athag ni Sustento nga indi makasuhan ang mga suspek bangud nga 15-anyos ang minimum age of criminal responsibility base sa laye. (AGB)