Amay nga naghostage kag nagbuno sa iya mag-iloy sa Antique, pasakaan sang kaso!

Antique–Ginapreparar na sang imbestigador sa Women and Children Protection Desk sa Hamtic Police Station ang kaso nga parricide batuk sa amay nga naghostage kag nagbuno sa iya mag-iloy sang Domingo sang gab-i.

Suno kay PINSP Josefo Dime, hepe sang Hamtic Police Station, kasuhan ang suspek bangud sa pag-hostage sa iya live-in partner nga 24-anyos kag sa isa ka tuig nga bata nga lalaki nila. Pagpangimon naman ang ginasunod nga motibo sa ginhimo sang lalaki.

Padayon nga ginabulong sa Angel Salazar Memorial District Hospital sa San Jose, Antique si alyas Helen nga may pilas sa magtimbang nga kamot kag dughan kag ang bata nga may pilas sa alimpuduhan.

Narecover naman ang 12 pulgada nga kalabaun sang kutsilyo nga amo ang ginapatihan gingamit sang suspek.

Samtang gindala man sa ospital ang lalaki bangud sa pagpilas sang iya liog gamit ang ginpatalum nga parte sang lawanit nga dingding sa sulod sang presuhan. (AGB)