ArchivesLokal

Pamahug sa kabuhi ni Councilor Plaridel Nava antes ang 2016 elections, ginkumpirmar sang anay Intel head sang ICPO

Iloilo City–Ginkumpirmar ni PSUPT Salvador Dagoon, anay hepe sang Intelligence Section sang Iloilo City Police Office, nga may pamahog sa kabuhi si Councilor Plaridel Nava antes ang 2016 elections.

Apang wala ini nahatagan sang atensyon ni Dagoon bangud nga masako sila sa security preparation sang eleksyon. Sa madumduman ni Dagoon, nagreport si Nava kay former Police Regional Office 6 Director Bernardo Diaz kag nagtanyag pa ang regional director sang police security sa konsehal.

Wala man na-imbestigaran kag na-establisar suno sa iya kon diin naghalin ang pamahog kay Nava bangud wala na nakakadtu sa ICPO ang konsehal.

Sang nagligad nga semana, naglupok ang balita nga tuyo ipapatay ni Cong. Jerry Treñas si Nava base man sa ginsugid ni businessman Rommel Ynion sa konsehal. Ginpanginwala ni Treñas ang akusasyon kag ginpanindugan nga wala sang rason agud ipapatay si Nava. (AGB)

Leave a Reply