(UPDATE) Businessman Rommel Ynion, gin-akusaran nga nagpangayo sang bulig sa iya kandidatura sang 2016 elections kay the late PDEA 6 identified drug group leader Melvin Odicta

Iloilo City–Nagpangayo sang bulig sa iya kandidatura sang 2016 elections si businessman Rommel Ynion kay the late PDEA 6 identified drug group leader Melvin Odicta.

Balik ini nga akusasyon ni Winston Porras sa nabuyagyag nga ginsugid ni Ynion kay Councilor Plaridel Nava nga tuyo ipapatay ang konsehal. Madumduman ginpost ni Nava sa Facebook account sini ang istoryahanay nila ni Ynion. Ginsugid sang negosyante nga nabatian sini sang nagkadto siya sa balay ni Ynion nga nagtawag ang iya ginapatihan nga si Cong. Jerry Treñas kay Odicta. Suno kay Ynion, ginsugid man sa iya ni Odicta nga plano sang ila grupo nga patyon ni Nava.

Ginpanginwala ni Porras nga didto siya sa balay ni Odicta. Ginpabutyag ni Porras nga si Barangay Kagawad Jesus Espinosa sang Sinikway, Lapuz ang naghambal sa iya nga magkadto sa balay ni Odicta agud mag-testigo sa pagpangayo sang bulig ni Ynion para sa iya kandidatura. (AGB)