Pulis sa gate sa Campo Delgado, nadakpan nga nakasukbit sang paltik nga pusil!
Iloilo City–Nagapangatubang sang kaso administratibo kag kriminal ang police officer 2 nga nadakpan nga nagasukbit sang peke nga pusil samtang nagabantay sa gate sang Campo Delgado.
Natukiban ni Police Regional Office 6 Director PCSUPT Jose Gentiles nga peke ang .45 caliber pistol nga ginasukbit ni PO2 Stephen Magno matapos nakita nga naka-open hammer ang pusil. Sang gin-check ni Gentiles, nabal-an nga wala naga-function ang safety lock gani nga iya ginmartilyo.
Si PO2 Magno ang assign sa Regional Headquarters Support Group kag naka-agi sa Character Aptitude Development and Enhancement Training sa Campo Delgado. (AGB)