Duha ka grupo sang pamatan-on sa Mandurriao, nagrambol antes ang relaunching sang Curfew for Minors Ordinance!
Iloilo City–Nagrambol ang duha ka grupo sang mga pamatan-on sa Mandurriao pila ka oras antes ang simultaneous activity nga ginpangunahan sang Task Force on Moral and Values Formation sa relaunching sang Curfew for Minors Ordinance.
Na-identify ang duha ka grupo nga Stong Kids ukon SK kag Street Pamilya 5 ukon SP5. Napilasan sa abaga ang 15-anyos nga si alyas Jacklord nga miembro sang SK. Suno naman sa estudyante nga si alyas Ismo, armado sang pusil kag kutsilyo ang mga miembro sang SP5 gang.
Ginpabutyag ni Ismo nga suyaay kag dumtanay sang mga estudyante sa eskwelahan ang ginhalinan sang gamo. Na-identify ang mga miembro sang SP5 gang nga mga taga-Sooc samtang taga-Old Airport naman ang SK gang members. (AGB)