Endorsement sang LGUs sa pag-operate sang STL, posible ibalik sang PCSO – Gov. Art Defensor

Iloilo City — (UPDATE) Posible nga ibalik sang Philippine Charity Sweepstakes Office (PCSO) ang guidelines nga may endorsement halin sa local government unit antes ang pag-operate sang Small Town Lottery ukon STL sa syudad man ukon probinsya.

Ini ang ginkonfirmar ni Governor Art Defensor matapos matalakay sa sinapol sang Governor’s League ang reklamu sang kaupdanan niya nga mga gobernador ang pagdula sang PCSO sa endorsement sang LGUs sa bag-o nga guidelines.

Ginpahayag ni Defensor nga unanimously approved ang resolution nga ginpasar sang Governor’s League angut sa nasambit nga isyu.

Nagapati man ang gobernador nga maaprubahan ang ila ginahingyo nga pataasan ang share sang probinsya sa STL. (JoMaque)