Mayor Jed Mabilog, plano nga magsulat kay Pres. Duterte agud ipahibalo ang iya mga hinimuan sa syudad ilabe na sa kampanya kontra illegal nga druga
Iloilo City — Plano ni Mayor Jed Patrick Mabilog nga magsulat kay Presidente Rodrigo Duterte nga nagapahibalo sang iya mga hinimuan sa syudad ilabe na sa kampanya kontra illegal nga druga.
Liwat nga ginpanindugan sang alkalde nga indi siya drug protector kag wala sang anuman nga kaangtanan sa illegal nga druga.
Kasunod ini sang makalima ka beses na nga pagmitlang ni Duterte sang iya pangalan nga may koneksyon sa illegal nga druga kag pakaisa ni Senator Franklin Drilon.
Ulihi nga namensyonar ni Duterte ang pangalan ni Mabilog sa tion sang dinner meeting sini sa mga senador sang damlag lang.
Nagapati ang alkalde nga kabahin lang sang proseso sang pag-clear sang iya pangalan ang makapila ka beses nga paglawag ni Duterte sa iya kag ang pagtalupangod sa syudad sang Iloilo. (JoMaque)