ArchivesLokal

Task Force on Moral and Values Formation, magatutok man sa mga establisemento komersyal kon nagasunod sa Curfew for Minors Ordinance

Iloilo City–Nagtingub ang mga opisyal sa syudad kag concerned government agencies sa liwat nga paglunsar sang Curfew for Minors Ordinance kagab-i.

Nag-upod kay Task Force on Moral and Values Formation Head Jorge Duron si Mayor Jed Patrick Mabilog nga naglibot sa mga dalanon sang syudad agud masiguro nga wala sang menor-de-edad nga nagalagaw pag-abot sang curfew hours. Naglibot man upod sa task force ang taga-Bureau of Fire Protection, Philippine National Police, mga barangay officials kag barangay tanod.

Gin-athag ni Duron nga indi lang Curfew for Minors ang ila gintutukan kundi lakip man ang compliance sang mga establisemento komersyal sa ordinansa.

Nagpa-andam si Duron nga kon madakpan ang establisemento nga nagapasulod kag nagaserbe sang ilimnon sa menor-de-edad pag-abot sang curfew hours, pasiraduhan ang establisemento sang tatlo ka adlaw sa first offense; lima ka adlaw nga pagsirado sa second offense; 10 ka adlaw nga pagsirado sa third offense  kag pagrevoke sang business permit sa ikaapat nga offense.

Gin-check man sang task force ang mga commercial establishments sa simultaneous relaunching sang ordinansa kagab-i. (AGB)

Leave a Reply