Bank Depositor Sa Syudad Ginapahalong Ang Mga Tawo Nga May Accounts Sa ATM Batuk Sa Sindikato
Iloilo City – Ginapahalong sang bank depositor sa syudad ang mga tawo nga may accounts sa ATM batuk sa sindikato.
Nagpablotter ang tagreklamo sa Lapaz Police Station matapos natukiban nga 77 pesos na lang ang balanse sa iya ATM account sang marso 14.
Suno sa wala nagpakilala nga babaye, 232 mil pesos pa ang unod sang iya account sang katapusan siya nga nagcheck sang marso 6.
Natukiban sini sang nag-inquire sa bangko nga may nag-withdraw sa iya account halin sang marso 6 tubtob marso 13.Ibayad pa kuntani sini ang kwarta sa ila pasyente nga maguwa na sa medicus hospital.
Nagapati ang tagreklamo nga may sindikato sa syudad nga nagakopya sang PIN kag account numbers sang mga ATM cards.Nakabati ang tagreklamo sang impormasyon nga 11 na ang nabiktima sang sindikato.
(Aljohn Torreta)