Daw Buli Sang Posporo Nga Nakita Sa Botelya Sang Softdrink Ginreklamo Sa FDA

Iloilo City – Nagdangop sa Food and Drug Administration ukon FDA si Junie Rapista sang Railway, Lapaz matapos nakita ang kahoy nga daw buli sang posporo sa sulod sang softdrink nga iya ginbakal.

Suno kay Rapista, imnon na niya tani ang 355 ml nga Sprite apang nakibot ini matapos nakita ang kahoy sa sulod sang botelya.

Gilayon naman nga nagreklamo si Rapista sa tagdumalahan sang Coca Cola Company nga amo ang manufacturer sang nasambit nga softdrink apang ginpabutyag nila nga kasubong lang ini sang pagbakal sang sapatos nga may guba sa mall nga pwede mabalik.

Nagdesisyon si Rapista nga magpalapit sa Aksyon Rayo bangud ginpahayag wala sang ginhimo nga aksyon ang Coca Cola Company may kaangtanan sa insidente.

(Aljohn Torreta)