BSP-Iloilo, ginapahalong ang publiko batuk sa mga sindikato sa ATM
Iloilo City — Ginapahalong sang Bangko Sentral ng Pilipinas Iloilo ang publiko batuk sa mga sindikato sa ATM. Suno kay BSP Iloilo Deputy Director Joan Castelo, may sindikato nga nagabutang sang skimming device agud makopya ang impormasyon sa ATM card kag bisan ang PIN.
Ginlaygayan ni Castelo ang mga ATM card holders nga mag-withdraw sa machine nga yara sa pampubliko nga lugar, may CCTV camera kag may guwardya. Mas maayo man suno kay Castelo nga indi magbutang sang daku nga kantidad sa ATM account.
Sang damlag lang, nagreklamo ang depositor sang PNB nga nadulaan sang masobra 200 mil pesos sa iya ATM account kag natukiban nga may nagwithdraw nga iban nga tawo. (JoMaque)