Gov. Arthur Defensor, nagbalibad maghatag sang detalye sa iya meeting upod sa apat ka kongresista sa probinsya

Iloilo City–Ginkumpirmar ni Gov. Arthur Defensor nga nagpakigsapol siya sa apat ka mga kongresista sa probinsya sang Domingo, Marso 19.

Apang nagbalibad ang gobernador nga magdetalye sa na-istoryhan sa meeting. Wala man siya nagsabat sang ginpamangkot kon nga-a wala nakatambung sa sinapol si 1st District of Iloilo Rep. Richard Garin.

Suno kay Defensor, naghatag sang interest si 3rd District Rep. Arthur Defensor Jr nga magpadalagan nga gobernador sa 2019 elections.

Nagtambung sa meeting si Cong. Defensor, 2nd District Rep. Arcadio Gorriceta, 4th District Rep. Ferj Biron kag 5th District Rep. Raul Tupas. (AGB)